منتدى الفنانة ليلى عبدالله الرسمي
اهلا بكم في منتدى الفنانة ليلى عبدالله الرسمي
منتدى الفنانة ليلى عبدالله الرسمي
اهلا بكم في منتدى الفنانة ليلى عبدالله الرسمي
منتدى الفنانة ليلى عبدالله الرسمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


لكل محبين الفنانة ليلى عبدالله تواجدوا هنا لاكبر مجتمع للفنانة ليلى عبدالله
 
الرئيسيةأحدث الصورالتسجيلدخول

 

  مقابلة :: الفنانة هند البلوشي :: في ديوانية كول كويتي :: 2011

اذهب الى الأسفل 
2 مشترك
كاتب الموضوعرسالة
ساهر الليل
Admin
ساهر الليل


تاريخ التسجيل : 14/08/2011
الجنس : انثى
المشاركات : 133
العمل/الترفيه : في منتدى ليوول
mms ~ :  مقابلة :: الفنانة هند البلوشي :: في ديوانية كول كويتي :: 2011  1

 مقابلة :: الفنانة هند البلوشي :: في ديوانية كول كويتي :: 2011  Empty
مُساهمةموضوع: مقابلة :: الفنانة هند البلوشي :: في ديوانية كول كويتي :: 2011     مقابلة :: الفنانة هند البلوشي :: في ديوانية كول كويتي :: 2011  Emptyالأحد نوفمبر 20, 2011 2:31 am

<P align=center>
 مقابلة :: الفنانة هند البلوشي :: في ديوانية كول كويتي :: 2011  Coolq8y-com-hnd%20(1)
حوار : فيصل الغريب
كتابة : عبدالله الزيدي
شلون كانت بدايتج في المجال الفني ؟

اللي دششني الاستاذ جمال الردهان اهوا اللي اكتشفني خل نقول فنيا كنت حافظة بروفات مسرحية شباب كول مع اختي مي وصار ان انا اخذت دور وحده من البنات ما كانت موجوده فجمال انتبه ان انا يطلع مني وجذي جان يناديني يقول لي انتي تبين تمثلين ولا لأ وصار نوع من الحوار جان اقول له ما فكرت انا كنت مفكره اغني وجذي بس اذا يت فرصه ماكو مشكله على طول عقبها بشهر كلمني على مسلسل زينة الحياة وعطاني بطولة وكان المسلسل 15 حلقة واول اخراج له جمال الردهان وكان خوش مسلسل وهذي كانت بدايتي كممثله وبعدها على طول مسلسل اللقيطه شافني الاستاذ باسم عبدالامير وسويت مسلسل اللقيطه في رمضان 2003 وبعدها شافتني ام سوزان في اللقيطه ونادتني في الفرية ومشينا في المشوار الفني

ماكو غيره بينج وبين خواتج الفنانات ؟
لا ما صارت غيره لأن كل وحده ماسكه خطها وكل وحده لها طريجها وستايلها وجوها فما كان فينا اي نوع من الغيره لأن كل وحده لها طريجها وجوها


شنو الصعوبات اللي واجهتج ؟
ما واجهتني صعوبات الحمد لله اموري كانت كلها سهله وماكنت اتخبط كانت خطواتي مدروسه ومعروفه وعارفه شنو بسوي فما واجهة صعوبات كثر ما كنت اواجه صعوبه في التنسيق بين جامعتي والتمثيل واللي الحين قاعد اواجهه بين الدوام والتمثيل


● شنو اول مسرحية لج ؟
اول مسرحية لي كانت البيت بيتك مع طارق العلي وكانت خطوة جريئة مني وكانت فرصه كبيره منه ان اهوا اتاح لي فرصه وايد حلوه وانا شاكره له وانه اول وقوف لي بمسرح كبار وانت تدري مسرح الكبار شلون رهبته وخصوص ان انا ماكنت اعرف شي وكنت اجهل المسرح ،، والشغل مع الاستاذ طارق وانه استاذ كبير في المسرح ومشواره الفني كبير اكيد الواحد بيطلع من مسرحه استاذ فعلمني يعني ومكني من الوقوف عالخشبه وثاني تعاون كان مع الاستاذه هدى حسين وكان حلم بالنسبه لي تدري لأن لم اكون انا من جمهورها وحابتها واتخيل وانا صغيره ان انا اسوي مسرحياتها وامثلها بالبيت وجذي فأول ما اوقف على خشبة مسرح طفل اوقف مع هدى حسين نفسها هذي فرصه حلوه واكيد يكون حلم وتحقق وهم اكتسبت من خبرتها ومشوارها الفني في مسرح الطفل والحمد لله وكملنا الطريج



ليش طلعتي من مسرح الكبار وتوجهتي حق مسرح الطفل عشان اسهل ؟ ولا جمهورج كله صغار ؟

لا الحمد لله جمهوري غير محدود في فئة معينة عمرية الحمد لله من الشباب والبنات اللي من عمري ومن الشياب والعيايز والصغار الحمد لله من كل الفئات بس حسيت نفسي في مسرح الطفل لأنه اقرب لي انا لقلبي واقرب حق قدراتي انا احب اغني فمسرح الطفل فيه غناوي واحب ان اتحاور واوصل حق عقل الطفل لأن تدري انت حتى انا لم ادرس هالفئة العمرية هذي فأكون قريبه منهم واحس اني قريبة منهم بعدين الطفل ما يجامل يعني اللي يحبك بـ يتعنالك واللي ما يحبك ماهو مجبور يتعنالك بس لم تشتغل بمسرح كبار ممكن يكون مو ياي لك انت ممكن يكون ياي لأحد وما راح يتقبل منك ويقطون الجمهور الكبار بعد عادي يقط قطه عالهوا فكنت احصل مضايقات من الشباب كنت احصل يعني تدري ردة فعل الجمهور الكبار شوي تخرع ثاني شي يتني فرصة الطفل وحبيتها ونجحت فيها ولقيت نفسي ان خليني اخذ مكاني دامي انا لاقيه نفسي في مسرح الطفل وفي اقبال وفي قبول من الجمهور وصار لي اسم مع زملائي وقروبنا وجذي فقلت لأ خليني في الطفل ليش اتخبط طفل كبار طفل كبار ارسم لي خط وامشي عليه لين انشالله الله يسهلها واوصل لي النهاية على قولتهم .



يعني ما راح نشوفج بمسرح كبار بعد ؟

ممكن مو شي مستبعد يعني بس على حسب الفرصه على حسب انا شنو قدمت في رمضان على حسب الامكانيات المتوفرة على حسب الفكره يعني ماتدري بس انا ما افضل لأن انا حابه مسرح الطفل كأريحيه اوكي صح ان فيه مجهود اكبر عالخشبة لأن فيه مناقز وفيه روحه ورده وفيه خمس عروض بس بالنهاية انا الساعه 11 او 12 راده بيتي ونايمه مرتاحه ومسرح الكبار تدري نقعد لي الساعه 2 او 3 الفير فـ يدوب ما يلحق ترتاح

شنو افضل دور قدمتيه ؟
الفرية ((حصة))



دور ندمتي عليه ؟

مافي دور ندمت عليه اهوا دور واحد كان انقاذ موقف بس انا ما ندمت عليه وكنت سعيده بالتعاون مع زملائي اللي شاركتهم بالعمل بس ما اخذ حقه وما طلع اللي اهوا كان همس الحراير انتاج باسم عبدالامير كان يشاركني فيه بطولة زهرة عرفات وحسين المنصور ويلدا ومجموعة من الشباب والمسلسل الثاني اللي مو ندمت عليه بالعكس كان جدا رائع بس هم ما اخذ حقه الجيران مسلسل الجيران تم تصويره في دبي لمدة شهرين ونص يعني كثر ما تعبت بس مالقيت الصدى اللي يرضيني


[size=16][size=25]غناء [/size]

[/size]


راح نشوف لج البوم؟

لأ ما اعتقد صعبة بس سناقل انا ماشيه بسوق السناقل الحمد لله يعني مو صعب الموضوع ان انا انزل سنقل يعني سبق ونزلت سنقل وكان اول سنقل انا ومشاري العوضي اللي اهوا احساس في عيد الحب حبيت صدى الجمهور كان في صدى وايد حلو وفي سنقل انا ومرام جهزناه بس لي الحين ما خطينا الخطوة فيه قريب انشالله بس انت تدري زحمة السوق زحمة التصوير والاعمال عشان جذي يقول لك صاحب بالين جذاب انت ما تقدر تصير اهني وهني اهني وهني فمتى ما صار وقت و اتيحت الفرصه راح انزله انشالله بس ان سوق السنقل افضل لي انا وما اتخيل اني راح اسوي البوم غنائي



يعني هواية تعتبر؟
بالضبط ،، يعني ارضي واشبع رغبتي وبنفس الوقت ارضي جمهوري اللي حاب ان يكون لي اغاني ويسمعها وجذي



[size=16][size=25]جديد X جديد[/size]

[/size]

شنو عندج يديدج ؟

يديدي مسلسل الوداع طبعا انا قاعد اقول لك واصرح لك وانا لي الحين ما وقعت العقد بس لأن حبيت العمل وانشالله راح نقدم على هالخطوة واوقع العقد بس ما راح يكون عمل رمضاني اهوا عمل الصيف وجذي حق شهر واحد احتمال ودوري فيه يديد ما قدمته قبل هالمرة ان طبقة راقيه وعندي شركة يعني شي يديد ما قدمته فاكيد فيه نوع من العنجهية والغرور




بطولة منو؟
بطولة على ما اعتقد وعلى حسب ما وصل لي محمود بوشهري وعبدالله بوشهري وصلاح الملا وفؤاد علي هذا اللي اعرفه لي الحين و اخراج محمد الطوالة



 مقابلة :: الفنانة هند البلوشي :: في ديوانية كول كويتي :: 2011  Coolq8y-com-hnd%20(2)



شلون تلاقين ردة فعل طلبتج بالمدرسه يشوفونج عالتلفزيون وبعدين يشوفونج بالمدرسة ؟

مستانسين طبعا اكون أبلتهم اللي يحبونها فحابين الحصة وملتزمين فيها وما يبوني اغيب كلش لم اغيب يتضايقون يعني شعور حلو وايد شعور حلو ان انتا تتواصل مع جمهورك مباشرة في مكان عمل خصوصا لم يكون طفل وردة فعله من عينه ما يجاملك وما يجذب بس طبعا صعب ان انتا تمسكهم وتضبط الفوضه اللي تصير وجذي واهوا الالتزام بحد ذاته متعب في اي مجال من مجالات العمل



في وايد ممثلين قاعد يتوجهون الا تقديم برامج مسابقات او غيره فهل راح نشوفج يوم من الايام تقدمين برامج؟

حسب الفرصه حسب الفكرة حسب العمل نفسه ككل اذا كان متكامل وراقي ويليق بذوق الجمهور الكويتي ويليق فيني انا اي ماكو مشكله ليش لأ





انتي ما قدمتي قبل ؟

لأ ما سبق لي التقديم ومو رافضه الفكره ابدا وقلت لك حسب ويتوقف عالفكرة وانه راح يضيف لي ولا ما يضيف لي



عندج تويتر ؟

لأ ما عندي تويتر بس عندي قروب مسوينه لي طبعا مديرة منتداي مسويته ومتابعه اخباري اول بأول واهيا اللي قاعده تتواصل مع جمهوري وانا عن نفسي شخصيا ما راح يكون لي بروفايل شخصي



من اللي تشكرينه او اللي كان له فضل للي وصلتي له الحين ؟
الله سبحانه وتعالى وكل شخص وقف وياي وخذا بيدي وجدمني خطوه وحده اشكره كلهم كان لهم فضل علي سواء اذا بتكلم من الكبار لي الصغار ام سوزان جمال الردهان باسم عبدالامير على صعيد اهلي مرام اختي ما قصرت اوقفت معاي اهلي كلهم اوقفو معاي الكل كل من مسك ايد هند وجدمها خطوه وحده انا اشكره واوجه له الشكر والامتنان




هل انتي مع احتكار الفنانين؟

لأ انا ضد الاحتكار وضد الشللية والقروبات اللي صايره لأن الفنان بكل ما فيه من احاسيس لم تحتكره ما راح يقدم ويبدع ويعطي افضل ما عنده لأن الفنان كأنه طير حلو انه يطير من سما لي سما من غصن لي غصن ويعطي احساسه حق الكل ويشارك الكل ويتعاون مع الكل ويتعامل مع الكل وجمهورك انتا كفنان راح يملك لم يشوفك مع قروب معين وده يشوفك مع فنان ثاني يحبه ممكن انا احب فنان بقروب ثاني واحب هالفنان وودي اشوفهم مع بعض فـ ليش نحرمهم من هذي الفرصه وليش نحرمهم من هذا اللقاء يعني الامكانيات هذي لم تتوزع وتتشارك مع جميع الفنانيين انا افضلها طبعا واحسن انها راح تعطي اكثر وتكون جمالية اكثر من ما اكون محتركه بقروب معين وما اشتغل الا معاهم انا ضد الاحتكار تماما افضل وانشالله ان احنا نفتك من هذا الموضوع وخلاص تنفتح ونرد نفس قبل احنا عمرنا ما شفنا وحتى الكبار ما كانو محتكرين بعض ان هذا يشتغل بس مع هذا لأ كانو كلهم يشتغلون مع بعض بحب ويتبادلون خبرات ويتبادلون احاسيس ويتبادلون افكار هذا الفن يعني احنا ما نقدر نسوي هالشللية بالمجال الفني بالذات


في مجال انج ترتبطين باحد بالمجال الفني ؟
ليش لأ مو تحديدا بالمجال او غير المجال اهوا الشخص اذا يستاهل ويحبني و بيحتويني سواء من المجال الفني او خارج المجال الفني ماعندي مشكلة بالعكس افضل لأنه عارف شغل عارف الاجواء وعارف هند الانسانه وهند الممثلة فراح يكون في توافق وفي اتفاق




هل حصل لج ان فنانات احفرو لج او سوو لج مقالب ؟
انا بعيده عن المشاكل وانا ما ادخل نفسي في حياة اي شخص سواء بالمجال او برا المجال اذا كان زميل او صديق فعشان جذي لم انا اتجنب واتحاشا الناس فالناس تتحاشاني فالحمد لله ما في مشاكل وما اعتقد ان في احد يبي يضر هند لأن انا ما ضريت احد ومثل ما انا احب الخير حق الكل اكيد واتوقع واتمنى اتمنى ان كل اللي حوليني يحبون لي الخير مثل ما انا احب لهم الخير



موقف مضحك صار معاج او ما تنسينه؟
ان انا طقيت مرام وعورتها "بعد عمري " في مسلسل دمعة يتيم وطبعا مرام اكبر مني بـ6 سنين وانا ياما ياما انطقيت منها وانا صغيره وياما ياما انطقيت وكفختني وكان هالمشهد لم قريته بالنص كان من احلى المشاهد اللي انا كنت ناطرتها على نار "تضحك" وكان يوم التصوير يعني كل ما يقرب يوم تصوير هالمشهد استانس وهيا ويالله وقرب ومادري شنو وصج وادق عليها واقول لها هييي اليوم وحده بتنطق ولم ايا المشهد ومن كثر ما انا مستانسه وام سوزان ميته ضحك لأن كنت اروح اقول لها مشكوره وكنت ابوسها على راسها وعطيتيني فرصه ان انا ارد حرتي مالت 6 سنين وتقول لي يالله حيلج فيها بالمشهد فطقيتها وصج تعورت وهذا من اكثر من المشاهد اللي من عقبها كل ما نذكره نضحك واللي صج ما انساه لأنه طلع حرتي



لو صرتي وزيرة تربيه شاللي تغيرينه ؟
اول شي اشكل لجنة للرفق بالمعلم يعني اول شي اشيل الاشراف من المدرسات واشيل المناوبة وافتح قسم خاص توظيف مو شرط تكون جامعية حق البنات اللي محتاجين وظايف وقاعدين ببيوتهم واخليهم مشرفات وتكون مسؤولة فقط عالإشراف ومسؤولين عالمناوبة يعني المدرسه بدال لا اهي مسؤوله عن التحضير ومسوؤلة عن حصصها ومسؤوله عن حضور الحصص ومتابعة طالبات وعن المهام اللي اهي مكلفة فيها كمعلمة المفروض ان تنشال منها مهمة الاشراف ومتابعة الصفوف واشراف البنات وتعالي بالفرصه واللي اهو المفروض وقت راحتها ويعني نفس ما من حق الطالبات انهم يرتاحون بين الحصص وبالفرصه هم من حق المعلمة فالمنوابه ماخذ وقت المعلمه لدرجة انها ما تقعد على مكتبها فأتمنى لو يشيلون منهم هالعبء عشان يكون تركيزها كله بالحصه وعالطالبات وفصولها فقط وهم هذا فيه خير حق البنات اللي قاعدين من غير وظايف واهي كلها غرفة بالمدرسه حط فيها 5 مكاتب و5 موظفات اشراف ومناوبة هذا اول شي اسويه
ثاني شي مادري اذا ينفع او ما ينفع ان الاستاذه اللي في الجامعة او التطبيقي او المعاهد اللي يروحون يعطون حصصهم ويطلعون حالهم حال المعلمات فليش المعلمة ما تعطي حصصها وتطلع اتجابل بيتها وتسوي غدا ريلها ليش مجبوره انها تقعد 8 ساعات حتى لو ماعندها حصص انها تقعد طول اليوم اداوم ولو صار لها ظرف صعب انها تستأذن لأن ما لها الا 3 استأذانات بالشهر يعني هذي الامور اللي تأثر عالنفسية يعني انا ماكنت متشجعه قبل أن ادرس من كثر ما المدرسات يقولون لي لا تيين التربية ليش ؟ شفيها التربية حالها حال اي وزارة بس لم صرت مدرسة عرفت ليش هذي ردة فعل المدرسات كلهم تعب عليهم مو طبيعي وضغط نفسي مو طبيعي يعني المعلم او المعلمة الشغله الوحيدة اللي فيها ياخذ الموظف شغله لي البيت كل الوظايف يهد شغله بالمكتب ويطلع يرجع بيتهم ويرتاح ويعيش الوضع طبيعي الا المدرسه ترجع ومعاها شغلها لي البيت تسوي الوسايل ادش الانترنت اتنزل صور او اي شي يمكن يفيدها بالحصة تقعد تحضر حق باجر واللي بعده وتسوي بوربوينت فهذا كله مو ضغط نفسي ؟؟



لج علاقة بالرياضة؟
خفيف وانا قدساوية واشجع برشلونه


يتبع بالاسفل ,,,
الرجوع الى أعلى الصفحة اذهب الى الأسفل
https://laila3bdalah.yoo7.com
ساهر الليل
Admin
ساهر الليل


تاريخ التسجيل : 14/08/2011
الجنس : انثى
المشاركات : 133
العمل/الترفيه : في منتدى ليوول
mms ~ :  مقابلة :: الفنانة هند البلوشي :: في ديوانية كول كويتي :: 2011  1

 مقابلة :: الفنانة هند البلوشي :: في ديوانية كول كويتي :: 2011  Empty
مُساهمةموضوع: رد: مقابلة :: الفنانة هند البلوشي :: في ديوانية كول كويتي :: 2011     مقابلة :: الفنانة هند البلوشي :: في ديوانية كول كويتي :: 2011  Emptyالأحد نوفمبر 20, 2011 2:32 am

اسئلة الاعضاء


ماهو جديدج؟
يديدي شي انشالله راح يكون شي يليق في ذوقكم ويرضيكم بس لي الحين ما قررت خلوها مفاجأة


متى تنزل اغنيتج انتي ومرام ؟ و سلميلي عليها
يوصل انشالله ، ألاغنية انشالله واحتمال كبير راح تنزل شهر 12


احلى اسم صبي؟ احلى اسم بنت؟
صبي : جاسم لأنه اسم ابوي الله يرحمه
اسم بنيه : اذا يتني بنت راح اسميها احب اسم نور احب اسم شهد واحب اسم جنان بس كلهم اهلي سموهم فعشان جذي اذا يتني بنت راح اخترع اسم يديد


من هي اقرب فنانه بالنسبه لج بإستثناء خواتج ومن هي افضل فنانة تختار ادوارها ؟
اقرب حده اهي شيماء علي
افضل وحده تختار ادوارها شجون لأن ادوارها راكبه عليها يعني


شنو اجمل مرحلة عمرية بالنسبه لج؟
اللي اعيشها الحين


شنو اغنيتج المفضلة؟
اغنيتي المفضله my all


تأمنين في هالمقولة ((اتقي شر من احسنت اليه))
طبعا جدا أأمن فيها لأن صرنا ما نعرف الناس ونفسياتهم فكل واحد تحسن اليه لازم تتقي شره


اشياء تضايق هند؟
الجذب
الخيانه
الغدر
وضغط الشغل


في مره انظلمتي؟واذا اي شنو كانت ردة فعلج في هالموقف ؟\
واايد انظلمت
وقريب صار لها يوم السالفه انحطيت بموقف جدا صعب وانا مظلومه فيه وردت فعلي اني قلت حسبي الله ونعم الوكيل والله راح يبين الحق


اقرب فنان لج بالوسط الفني؟
مشاري العوضي




شنو اكلتج المفضلة؟
كغدا مجبوس لحم
كريوق بيض وجبن مع بعض جذي عالجوله سايح


هل انتي تابعتي مسلسل الملكه وشرايج فيه؟
اي تابعته وعجبني


شنو تقولين حق معجبينج ؟
احبكم وايد والله يخليكم لي وانا لولاكم ولا شي


ليش كل ادوارج شريرة انج عصبيه؟
دايما الممثل يمثل ادوار عكس طبيعته بالواقع ولقيت ان الناس اهما اللي حابين هالنوعية من الادوار علي وانا اقدم اللي يحبونه الناس علي


متى تحسين ان هند لازم تعتزل الفن؟
راح اعتزل لم احس ان انا عطيت كل اللي عندي وان ايا الوقت اللي انا لازم اجابل بيتي وريلي وعيالي


شنو اهيا الادوار اللي جسدتيها وماكنتي مقتنعه فيها ؟
ما اسوي شي مو مقتنعه فيه فكل اللي سويته مقتنعه فيه


هل تؤمنين بالمجاملة؟
المجاملة مطلوبة في الحياة بس اهم شي ما تكون على حسابي وماتكون على حساب سمعتي وراحة بالي


ليش ما اتجهتي للغناء بدال الفن دام صوتج حلو ؟
فرصة التمثيل كانت اقرب لي وانا سعيده فيها


موقف صار كان على وشك يخلي هند تعتزل ؟
ماصار ولا مره فكرت بالاعتزال


افضل لاعب برأيج بمنتخب الكويت حاليا؟ واي نادي تشجعينه محلي؟
بدر المطوع ،، اشجع نادي اللعب الحلو



اي نادي تشجعين من اندية السعودية؟ واي لاعب بعجبج من السعودية؟؟
الهلال ، محمد نور


راح تكون لج مسرحية بعيد الاضحى؟
اي انشالله نفسها مسرحية بلاد العجايب



 مقابلة :: الفنانة هند البلوشي :: في ديوانية كول كويتي :: 2011  Coolq8y-com-hnd%20(4)

اول مسرحية قدمتيها ؟؟ واول ظهور لج بالتلفزيون؟؟ واول مسلسل لج ؟
اول مسرحية البيت بيتك
واول ظهور بالتلفزيون كان مسلسل اللقيطة كان بـ2003
اول مسلسل لي زينة الحياة


ممثل تتمنين تشتغلين معاه؟ ومطرب؟
اتمنى اشتغل مع سعاد عبدالله وعبدالحسين عبدالرضا
واتمنى عبدالله رويشد ان اعطيه كلمات


اي صف ادرسين؟ وشنو هواياتج؟
السادس والسابع
وهواياتي السباحة واحب القراءة واايد


شنو رياضتج المفضلة ؟
المشي


صج ان طلال وحسين اخوانج؟
اي طلال وحسين اخواني


اي مدرسه ادرسين؟
ام سليم الانصاريه


شنو لونج المفضل؟
لوني المفضل في اللبس الاسود
ولوني المفضل بشكل عام احب الاخضر والبنفسجي


شنو يديدج برمضان الياي؟
لي الحين ما ادري


ما هو اقرب دور الى قلب هند؟
كل ادواري احبهم


هل فكرتي بيوم ارتداء الحجاب؟
لأ ما فكرت قبل هالمره بس اكيد راح ايي اليوم اللي اتحجب فيه


عندج ايميل او شلون نتواصل معاج؟
عندي ايميل بس حق الشغل
واللي يبي يتواصل معاي عندي صفحه بالفيس بوك


شنو يعنون لج القطريين؟
اخواني واهلي وحبايبنا وجيرانا وعندي رفيجات بقطر


شنو بالنسبه لج حياة الفهد؟
امي الثانية


فكرتي بالاعتزال؟ وليش؟
لأ لأن توني بدييت


اقوى اشاعه مرت عليج؟
انه قالو ان عندي بنت عمرها 8 سنين


شنو اللي يضايق هند؟
الجذب


امنيت هند البلوشي؟ واحلى اغنية وتسمعها دوم؟
امنيتي اني اصير ام
واحلى اغنية خمس جروح نوال بس ما اسمعها دوم يعني اذا تضايقت اسمعها


شنو جنسيتج؟
كويتية وأولى تأسيس


اجريتي عملية تجميل؟
لأ ما اجريت عملية تجميل


شعورك بالتمثيل مع علي كاكولي؟
انسان مضحك وكوميدي ولم اوقف معاه بالكاميرا اضحك واايد
وما يعرف المشاهد الرومانسيه >> اعتراف منه


حبيت اسالج سؤال واحد شنو العلاقه بينج وبين مشاري العوضي؟
صداقة وان واايد اشتغل معاه يعني ارتباطاتي بالعمل واايد معاه واحنا دويتو واايد ناجح كوني انا شاعره واهو ملحن


ماهو الاقرب على الى قلب هند البلوشي الوقوف على خشبة المسرح ام خلف الكاميرا؟ وهل تذكرين جمهورج؟
الاقرب الى قلبي الوقوف على خشبة المسرح ،، اكييد اتذكرهم



كيف توفقين بين المدرسه والشغل؟
واايد تعبانه
وصعب ان اوفق بينهم وكل هذا من صحتي


وشنو وضعج الاجتماعي؟
غير متزوجه


عندج اعداء بالوسط الفني؟
لأ ما عندي


شخص تعلمتي منه وايد غير مريم اختج؟
حياة الفهد تعلمت منها المصداقية في الشغل والتمثيل
لم تبجي تبجي صح ولم تضحك تضحك صح


ليش صرتي مدرسة عربي؟
نصيب


منو اقرب 3 فنانيين ؟ 3 فنانات؟؟
3 فنانات
شيماء – بثينة – فاطه الصفي - شجون
3 فنانين
يعقوب عبدالله – مشاري العوضي – خالد البريكي – خالد امين


شنو تعني لج شجون؟
اختي الصغيره وحبيبتي


من هم في حياتج يعقوب عبدالله ومشاري العوضي وطارق العلي؟
طارق العلي اخوي الكبير اللي استفيد من خبرته والجأ له بالاستشارات
ومشاري العوضي صديقي المقرب وتجمعني فيه الاعمال
ويعقوب عبدالله اخوي وصديقي واستشيره في بعض الامور الفنية


هل صحيح ان بينج وبين هبه الدري خلاف؟
لا طبعا اهي صديقتي وزميلتي ومابينا شي الحمد لله


 مقابلة :: الفنانة هند البلوشي :: في ديوانية كول كويتي :: 2011  Coolq8y-com-hnd%20(3)


و في ختام اللقاء تم تكريم هند البلوشي بمناسبة فوزها كـ افضل ممثلة دور اول
عن مسلسل الجليب في مسابقة المبدعين في رمضان 2011 التي اقامت في منتدى كول كويتي



 مقابلة :: الفنانة هند البلوشي :: في ديوانية كول كويتي :: 2011  Signthankspin

منقول لعيوونكم
الرجوع الى أعلى الصفحة اذهب الى الأسفل
https://laila3bdalah.yoo7.com
A7BK MOOt
ليلى نشيط
ليلى نشيط
A7BK MOOt


تاريخ التسجيل : 29/10/2011
الجنس : انثى
المشاركات : 41
العمل/الترفيه : طـــأإأإأإلبــهـ
mms ~ :  مقابلة :: الفنانة هند البلوشي :: في ديوانية كول كويتي :: 2011  65

 مقابلة :: الفنانة هند البلوشي :: في ديوانية كول كويتي :: 2011  Empty
مُساهمةموضوع: رد: مقابلة :: الفنانة هند البلوشي :: في ديوانية كول كويتي :: 2011     مقابلة :: الفنانة هند البلوشي :: في ديوانية كول كويتي :: 2011  Emptyالخميس ديسمبر 01, 2011 6:17 pm

مشششششششششششكوورة

ع المقابلة الحححلوه


وربي ككآنت مممرآ ححلوه

استمتعت وانا اقراها


يَ حليلها هنند تههبل دايم مششاء الله علييها



بس صراححه

ماعجبني شككلها مدري احس

انها متغيييره



المهمم

تسسلمين

حبيبتي

ولآ تحرممينا

من مواضيعك الحححلوه


:)
الرجوع الى أعلى الصفحة اذهب الى الأسفل
 
مقابلة :: الفنانة هند البلوشي :: في ديوانية كول كويتي :: 2011
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفنانة ليلى عبدالله الرسمي :: ليلى الخاص :: حصرياتنا!!!-
انتقل الى: